皮革產品幾乎融入我地生活之中，無論係銀包、手機套、手袋定係皮鞋通通都見到佢嘅身影。而每次提起手作一定會聯想起皮革，皮革產品總係俾人一種好有溫度同親密嘅感覺。其實小編一直都好喜歡皮革製品，尤其手作就更獨一無二，今日終於有機會感受下手作皮革喇！

今日小編要帶大家去嘅地方就係位於觀塘嘅光圈文創工作室，呢度其實係一個共享空間，只要你想係度做手作就可以租借場地，呢到仲部份工具提供，係柔和嘅燈光之下做手作絕對係一件樂事！

手作皮革每一個步驟都需要細心認真去處理，就好像切割、打洞、縫製全部都是心機，如果其中一個步驟做錯就會影響整個成品。小編覺得最有挑戰性嘅唔係切割、也不是縫線和燙金字體，而且打洞！因為隨著皮革的厚度越厚，力道亦要有所改變，最重要係敲成直線先唔會歪咗！

手作皮革果然每一步都好考功夫，原來曾經有一個女士搵阿頌上堂，目標係整一個公事包俾佢男朋友，辛辛苦苦整左成個月，對方當然好滿意個成品，而且仲有拍低女方整皮革嘅片短，收到呢份禮物一定會好感動！皮革製品就係有呢個特式，完全係充滿溫度嘅手作！

雖然市面上都有唔小嘅皮革懶人包，但做出嚟往往都無心目中咁靚，所以如果大家有時間不妨參加下工作坊，除咗工具設備比較齊全之外，係導師指引下成品絕對會靚好多架～而且皮革會隨住時間而有歲月嘅痕跡，不斷累積我地嘅情感記憶，所以每一個人都值得擁有一樣手作皮革製品！

詳情：

Instagram:

Facebook: @Leeathercraft

地址 : 光圈文創工具屋  @lightopia.studio  觀塘鴻圖道32號 榮興利工業大廈5樓